Counterpoint Research тадқиқот компанияси 2024 йилда дунё бўйлаб смартфонлар савдоси ва рейтинги ҳақида маълумот берди. Сўнгги бир йил ичида гаджетлар бозорининг савдоси 2023 йилги кўрсаткичдан 4% га ўсди.
-8weQGMuH.png)
Жанубий Кореянинг Samsung компанияси глобал миқёсдаги энг кўп сотилган смартфонлар топ-10 талик рўйхатда бешта ўринни эгаллаб, етакчиликни сақлаб қолди ва бозорнинг 19% улушига эга бўлди. Бунга А сериясидаги моделларга ва S24 флагман линиясига бўлган юқори талаб сабаб бўлди.
Apple компанияси 18% улуш билан иккинчи ўринни эгаллади. iPhone 16 серияси тақдимоти Apple Intelligence функциясининг дастлаб мавжуд эмаслиги сабабли ҳам яхши, ҳам негатив фикрларни келтириб чиқарди. Шунга қарамай, компания Лотин Америкаси, Африка ва Осиё ҳамда Тинч океани минтақасидаги бозорларда барқарор ўсишни кўрсатди. Натижада iPhone 15 модели 2024 йилнинг учинчи чорагида дунё бўйлаб энг кўп сотилган смартфонга айланди.
Ривожланаётган бозорларда истеъмолчилар iPhone’нинг сўнгги моделларини танлаяпти. Бу ўз навбатида, Apple’нинг савдо ҳажмини оширмоқда. Ушбу тенденция молиялаштириш схемалари ва айирбошлаш таклифлари билан янада қўллаб-қувватланмоқда, булар даромади пастроқ бўлган одамлар учун ҳам iPhone’нинг энг янги моделларини сотиб олиш имконини беради.
Учинчи ўринни Xiaomi эгаллади, у 2024 йилда етакчи бешта бренд орасида энг юқори ўсиш суръатларини намойиш этди. Xiaomiънинг Redmi 13S модели, ўтган йилги Redmi 12S ўрнини эгаллаган ҳолда, арзонлиги ва ривожланаётган бозорлардаги ўрни туфайли кетма-кет иккинчи чорак давомида рўйхатдаги ўрнини сақлаб қолди. Кейинги ўринларда Оppо ва Vivo компаниялари ўрин олди.
Энг яхши брендлар бешталиги ўзгармай қолди, аммо уларнинг бозордаги улуши Huawei, Honor ва Motorola каби компаниялар томонидан кучайган рақобат туфайли қисқарди.
Изоҳ (0)